10+ Mehul Ki Paheliyan For Your IQ Test | MindYourLogic Mehul Paheliyan


Aaiye MindYourLogic ke sath solve karte hai kuch Mehul ki paheliyan. Is post me 10 mehul ki paheliyan di gai hai jinke answers bhi sath me diye gaye hai. In paheliyon ko solve karke apka Iq test bhi hoga or sath hi apki detective skills bhi improve hogi. To kya ap ready hai ye 10 mehul ki paheliyan challenge karne ke liye? To chaliye shuru karte hai.

 

1. Shahar me ek Killer ne 30 se jyada logo ka khoon kar diya tha. Inspector Ganpat us Killer ki Talash me tha.  Aj Us killer ne Bob naam ke admi ka khoon kar diya. Inspector Ganpat killer ke adde par pahuch jata hai. Jaha jachpadtal karne me use dewaar par kuch akshar likhe hue dikhte hai. Ganpapt ko kuch samjh nahi ata. Usne turant Detective Mehul ko crime scene par bulaya. Mehul ne deewar par likhe gaye aksharon ko dhyan se dekha jo ki ek pattern mein the!  Mehul ko waha dewaar par likhe akshro ke alawa tin ladkiyo ki tasveerein bhi milti hai. 

Ap in aksharon ke pattern ko dhyann se obsserve kijiye. Kya ap bata sakte hai in tino me se Killer next kiska Khoon karega ?

 

mehul-ki-paheliyan-img-3

Answer: Dekhiye pattern "ABA", shabd mein teen akshar hote hain aur aakhri shikaar ka naam "BOB" tha jo ki ek teen aksharon wala tha. Agla pattern ABBA hai aur dusri tasveer mein, is ladki ka naam ANNA hai. Uske naam ke aksharon ki ginti pattern ke aksharon ki ginti ke barabar hai. Isliye, ANNA ka qatl hoga.

mehul-ki-paheliyan-img-4

 

 

2. Detective Mehul apne ke ghar ka number regular basis par badalata rehta hai, aur uska pattern bhi badalta hai. 
Jaise ki,, 
Monday - A202
Tuesday - C404 
Wednesday - E606 

In number pattern ko dekhkar apko pata lagana hai ki, Thursday ko Mehul ke ghar ka number kya hoga ? 
In number pattern ko dhyan se samjho aur niche di hue image ko bhi carefully dekhkar Batao,
Thursday ko Mehul ke Ghar ka number kya hoga ?

mehul-paheliyan-img-13

Answer- 
G- 808

Answer - 
Alphabets alternate tarike se badh rahe hain, 
A, C, E, to agla akshar G hoga.
Aur numbers 202 ke saath badh rahe hain. 
202, 404, 606, 
Thursday ko Mehul ke ghar ka number hoga G-808.

mehul-paheliyan-img-14

 

hindi paheliyan ad - 1

 

3. Paris mein Ek raat bhayanak baarish ho rahi thi aur Har taraf andhera chha gaya tha. Pure shahar me Lights hi nahi thi. Tina Tour se Wapis apne ghar aati hai aur Apna locker check karti hai, Tina ke Locker se uski  jewellery Gayab thi. Tina turant Inspector Ganpat ko bulati hai. 

Is case me 3 suspects the - George, Ren aur Tim. 

George - "Bijli nahi thi, main so gaya. CCTV check karo."

mehul-ki-paheliyan-img-7
Ren - "Main apne bachhe ko kahani suna rahi thi."

mehul-ki-paheliyan-img-8
Tim - "light nahi thi to mai candel jalakar Padh rha tha, aur mai so gaya."

mehul-ki-paheliyan-img-18

In tino ke statement ko dhyan se padhiye aur Bataye Tina ke ghar chori kisne ki? 

Answer: George aur Tim dono jhoot bol rahe hain. 
George ko pata tha ki CCTV par kuch bhi record nahi ho sakta, kyun ki bijli nahi thi, aur Tim keh raha hai ki wo so gya tha, jabki candle ab bhi jal rahi hai. 3 ghante mein candel bujh jani chahiye thi. Lekin candle waisi hi hai. Iska matlab Tina ke ghar chori George aur Tim ne ki hai.

 

4. Mehul apne dosto ke saath cafe me coffee pee raha tha, us waqt ek ladki uske paas aati hai aur kehti hai,
"Sir, main aapki bahut badi fan hoon! Kya aap mujhe ek autograph de sakte hain?

Achanak lights off ho jaati hai. Mehul ke dost panic hoker ek sath chillate hai - "Kya hua?!".

Waiter turant lights on kar deta hai.

Jab lights on hote hain, tab pata chalta hai ki ladki ka diamond brooch chori ho gaya hai. Detective Mehul waha present sabse ek-ek karke puchtach karta hai.

Dost kehte hain, "Andhera tha, humein kuch nahi dikha. Hum aapke saath baithe the. Humein kuch nahi pata."

Waiter kehta hai - "Sir, main to apni jagah se hila bhi nahi. Mujhe bhi kuch nahi pata."

Niche di hui Before and Aafter ki images ko dekhkar kya ap bata sakte hai Ladki ka Brooch kishne Churaya hai ?

mehul-ki-paheliyan-for-your-iq-test-img-22

Answer:- Image ko Dhyaan se dekhiye,  Before wali image me waiter ke haath mein orange juice ka glass half bhara tha. Lekin lights ane ke bad After image me Waiter ke hath ka Orange Juice ka glass full bhara hai. 
Iska matlab waiter ne glass mein kuch daala hai. Jab Mehul ne glass empty kiya, toh glass me se ek diamond brooch nikalta hai. Mehul turant waiter ko pakad leta hai.

mehul-ki-pahleliyan-for-your-iq-test-img-23

 

5. City mein ek psycho killer ghoom raha tha, jo sirf ladkiyon ka murder karta tha. Pehle din, usne Avva ka khoon kiya. Dusre din usne Ammy ko maar diya. Aur teesre din usne Sam ka khoon kiya. Police killer ke den tak pahunch jati hai, lekin killer ko pakadne me fail ho jati hai.

Inspector Tom fir Detective Mehul ko killer ke den par bulata hai. Jab Mehul killer ke den ki chanbin karta hai, toh usko ek board par teen ladkiyon ki tasveerein dikhayi deti hain.
Ap in  tasveer ko dhyan se dekhiyie aur bataye ki Killer next kiska Khoon karne wala hai ?
1) Lily 2) Alice ya 3) Luna? 

mehul-ki-paheliyan-img-19

Answer: Image ko dhyan se dekhiye, killer sirf brown baalon wali ladkiyon ko maar raha hai. 
Avva, Ammy aur Sam ke hairs Brown hai, aur Image me tino me se sirf Alice ke Brown hair hai. Iska matlab killer next Alice ka khoon karega. 

mehul-ki-paheliyan-img-08

 

hindi paheliyan ad - 2

 

6. St.Thomas school mein chori ho jaati hai! Detective Mehul ko jaanch ke liye bulaya jaata hai ! Mehul turant crime scene par pahunchta hai. School me 3 suspect the. 

Detective Mehul tino suspects se puchtach karta hai. 

Alice - "Main washroom mein thi. Mujhe kuch nahi pata."

mehul-ki-paheliyan-img-28

Stella -"Mujhe bhook lagi thi, isliye maine vending machine se chips lene gayi thi. Mujhe bhi kuch nahi pata."

mehul ki paheliyan-img-10

Sam - "Main poora waqt apni girlfriend se baat kar raha tha. Mere paas koi clue nahi hai."

mehul-ki-paheliyan-img-29

Mehul ne in teeno ki baatein suni, aur turant samajh gaya, kisne chori ki hai!

Tino suspect ki statement padhkar kya ap bata sakte hai, School me Chori kisne ki hai ? 

 

Answer: Chori Stella ne ki hai! Agar aap vending machine ki taraf dekhein, toh woh cold drinks ki machine hai. Wahan koi chips ka packet nahi hai! Toh phir Stella wahan chips lene kyun gayi? Iska matlab hai ki usne jhooth bola tha! 

 

7. Ek din Detective Mehul ko Jason ka call ata hai, Jason Mehul ko batata hai ki uski wife Sana ne khudkhushi kar li hai. Detective Mehul crime scene tak pahunchta hai. Mehul ne crime scence ki ache tarike se jaanch ki. 
Jason  Mehul ko batata hai ki ek din pehle Jason aur Sana ke beech  jhagda hua tha. Sana ne turant  drawer se ek bottle mein rakhe zehre wale pills nikale, unhe kha liya, aur mar gayi.
Detective Mehul poision ki bottle test ke liye lab bhejta hai. Lab in-charge Detective Mehul ko batata hai ki bottle par sirf Sana ke fingerprints hain aur bottle mein wahi pills hain jo Sana ne khayi hain, lekin Sana ne Suicide nhi kiya balki Sana ka murder hua hai. Lab in-charge ne aisa kyun socha?
Kya aap is Poision ki bottle dekhkar bata sakte hain Sana ne Suicide kiya hai Ya uska Murder hua hai?

mehul-ki-paheliyan-img-11

Answer: Bottle ko dhyan se dekhein, toh Sana ke fingerprints sirf bottle par hain, lekin bottle ke Cap par fingerprints nahi hai. To phir Sana ne bottle ko kaise khola? Is se pata chalta hai ki jab Sana ki maut ho gayi tab Jason ne hi apni wife ke fingerprints bottle par lagaye, lekin Cap par fingerprints lagana bhool gaya.  Is wajah se lab in-charge ne samjha ki yeh ek murder hai, aur Detective Mehul ne turant Jason ko pakad liya.

mehul-ki-paheliyan-img-12

 

8. Detective Mehul ko pata chalta hai ki ek apradhi jail se bhag gaya hai, aur ab woh London Airport par hai. Mehul jaldi se airport pahuch jata hai. Airport par Mehul ko teen logon par shak hota hai: August, Aiman, aur Ben.

August kehta hai - "Sir, main New York ja raha hoon. Main London business ke liye aaya tha. Yahaan mera business card hai."

Aiman kehta hai - "Sir, main toh London ka hi hoon. Main New York mein padhai karta hoon. Main college ja raha hoon."

Ben kehta hai - "Sir, main bhi London se hoon. Main Norway vacation ke liye ja raha hoon."

Mehul ko in teeno se koi bhi hint nahi milti, isliye usne unke samaan ko scan kiya.

Kya aap tino ke samaan dekhkar bata sakte hain Jail se bhaga hua Apradhi kaun hai ?

mehul-ki-paheliyan-img-9

Answer: Ben ne kaha tha ki wo Norway ja raha hai. Norway me weather thanda hota hai, lekin Ben ke bag me sardiyo ke kapde nahi the. Is se pata chalta hai ki Ben Jhut bol rha hai aur wo hi Jail se bhaga hua hai.

mehul-ki-paheliyan-img-10

 

9. Dong, duniya ka sabse bada don hai. Saat country ki police use dhoondh rahe hain. Aur dusre Dons bhi uske peeche hain. Lekin aaj tak, koi use pakad nahi paya.
Ek din, Dong garden mein newspaper padh raha tha. Achanak, wahan 4 aur Dons aa gaye aur kisi ne uspar goli chalayi.  Detective Mehul Dong ke area ke aaspass hi tha. Goliyon ke awaaz sunte hi, Detective Mehul turant Crime scene par pahunch jata hai. Aur un chaaro Dons ko pakad leta hai. Lekin Mehul confuse ho jata hai ki Dong par charoo dons me se goli kisne chalayi.
Kya ap Mehul ki help kar sakte hai Shooter ka pata lagane ke liye. 
Situations ko dhyan se padhkar aur thoda logically sochkar bataye ki Mehul ko kaise pata chalega ki Goli kisne chalai? 

Answer:  4 dons ki Guns ko Chhukar pata laga sakta hai ki Goli kisne chalayi. Jiki Gun garam hogi usne goli chalayi hai. 

mehul-ki-paheliyan-img-27

10.  Detectivve Mehul ko khabar milti hai ki Anjali ki ghar par maut ho gayi hai. Detective Mehul jaldi se Anjali ke ghar pahunchta hai. Mehul crime scence ka ache se investigation karta hai. Crime scene me Mehul ko Khoon laga hua knife milta hai, jisme fingerprints bhi hote hain. Mehul soch me padh jata hai. Anjali ke maut ke waqt Ghar mein koi nahi tha. Mehul Anjali ke baare mein aur jaankari nikalta hai, toh Mehul ko pata chalta hai ki Anjali ke kuch affairs the. Usne kai ladkon ko dokha diya tha.Mehul Anjali ke sare boyfriends ke fingerprints ko aur Anjali ke fingerprints ko knife par mile fingerprints se match karta hai. 
Clue image ko dekhakar kya ap bata sakte hai Anjali ka Murder hua hai Suicide ? 

mehul-paheliyan-img-20

Answer: Agar aap dhyan se dekhein, to Anjali ke fingerprints knife par mile fingerprints se puri tarah se match ho rhe hai. Anjali ne suicide kiya tha.

mehul-paheliyan-img-15

 

hindi paheliyan ad - 3

paheli blogs

15-manoranjanak-paheliyan-apni-buddhi-ko-chunauti-dekar-rachnatmakta-ka-aanand-lein
Anshul Khandelwal 2023-06-08

15 मनोरंजक पहेलियाँ | अपनी बुद्धि को चुनौती देकर रचनात्मकता का आनंद लें

बुद्धि को मजबूत बनाएं और रचनात्मकता का आनंद लें इन 15 मनोहारी पहेलियों के माध्यम से। हल करें और अपनी...

20-mazedaar-hindi-paheliyan-chunaute-bhare-sawalon-ka-maza-lijiye
Anshul Khandelwal 2023-06-10

20 मजेदार हिंदी पहेलियाँ: चुनौती भरे सवालों का मजा लीजिए!

इस ब्लॉग पोस्ट में हम आपके लिए लेकर आए हैं 20 मजेदार हिंदी पहेलियाँ। इन पहेलियों को हल करके आप अपने ...

20-aasaan-hindi-paheliyanaur-uttar-hindi-paheliyan
Anshul Khandelwal 2023-06-14

20 आसान हिंदी पहेलियाँ और उत्तर || उत्तर के साथ 20 Hindi paheliya || हिंदी पहेलियाँ

यदि आप हिंदी में मजेदार पहेलियों के शौकीन हैं, तो इस ब्लॉग पोस्ट में आपके लिए हैं 20 आसान हिंदी पहेल...

25-riddles-in-punjabi-to-test-your-mind-img-1
Lipika Lajwani 2024-2-7

25+ Riddles In Punjabi To Test Your Mind | MindYourLogic Punjabi Riddles

Is post vich 25 riddles in Punjabi ditti gayi han te inke answers vi dite gaye han. Ethay kuch riddl...

20-chhoti-paheliyan-uttar-sahit-kya-aap-de-payenge-jawab
Anshul Khandelwal 2023-06-15

20 छोटी पहेलियाँ उत्तर सहित | Kya aap de payege jawab

इस ब्लॉग पोस्ट में आपको 20 छोटी पहेलियाँ उत्तर सहित मिलेंगी। इन पहेलियों को हल करके आप अपनी मनोदशक्त...