5 Detective Mehul Paheliyan | MindYourLogic Paheliyan

Mind Your Logic leke aya hai apke liye 5 detective mehul paheliyan. Aj ke blog post me 5 detective mehul paheliyan di hui hai, jinke answers bhi sath me diye gaye hai. Ye 5 detective mehul paheliyan thodi difficult hai lekin inko solve karke apko kafi interest ayega. To kya ap in 5 detective mehul paheliyan k challenge karne ke liye ready hai?

1.Larry ne detective Mehul ko call per bataya ki uski wife serena ne khudkushi kar li hai! Mehul turant crime scene par pahunch gaya!

Usne dhyan se crime scene ko check kiya, Larry ne bataya ki unka bada jhagda hua tha! Serena ne ek zehrili goli ki dibbi nikali aur use kha liya, jiski wajah se uski maut hui!

Detective Mehul ne dibbi ko nikala aur lab bheja aur waha se confirmation mila ki dibbi aur goliyon par Serena ke hi fingerprints the! Par yeh suicide nahi, murder tha!

kya ap ye image ko dekh kar bata sakte hai ye murder tha ya suicide?

detective-mehul-paheliyan-riddle-1-img-2

Answer: Dekha jaaye toh fingerprints sirf dibbi par hain, cap par nahi! Toh phir woh dibbi kaise khuli? Iska matlab Larry ne Serena ke fingerprints dibbi par strategic tarike se lagaye, lekin cap par nahi lagaye! Isse pata chalta hai ki ye murder hai.

2. Martha ek din police station jaati hai aur wahaan se madad maangti hai.

"Maine aur Sam ne kal shaadi ki thi. Aaj subah hi hum honeymoon ke liye nikle. Raaste mein, hamari car kichad me phaas gai thi.

detective-mehul-paheliyan-riddle-2-img-1

Maine aur Sam ne gaadi ko nikalne ki koshish ki lekin kuch nahi ho saka. Main Sam ko wahaan chhodkar jungle mein madad ke liye ghoom rahi thi. Jab main waapas aayi, toh sam mar chuka tha.

detective mehul-paheliyan-img-4

Inspector Josh turant Martha ko arrest karlete hai.

kya ap bata sakte hai kyu?

Answer: Inspector Josh ne ye do points sochkar Martha ko arrest kiya.

1.Pehli baat- Agar martha jungle ke bich me fasi thi to uski dress itni saaf kyu hai? yahi dekh kar inspector josh usey arrest karlete hai.

2.Dusri baat- agar woh jungle mein phasi thi aur kisi ne madad nahi ki, toh police station kaise pahunch gayi?

3. Amanda ko uske papa se $5000 mile!

detective-mehul-paheliyan-riddle-3-img-1

Toh usne ATM jaake paise nikale aur unhe apne closet mein chhupa diya! Amanda ke teen roommates us samay ghar par nahi the. Amanda college chali gayi.

College se waapas aate waqt, usne dekha ki uske closet se paise chori ho gaye hain! Usne khojne ki koshish ki, lekin paise nahi mile! Tabhi uske teen roommates kamre mein aaye! Amanda ne teeno se poocha,

"Kya kisi ne mere paise chura liye hain?"

Lily ne kaha- "Main pura din college mein thi. Main bas lunch ke liye ghar aayi thi aur is kamre mein nahi gayi."

Rose bolti hai-"Main bhi lunch ke liye aayi thi, lekin Lily ke jaane ke baad. Main closet ki taraf gayi kuch documents dhoondhne, lekin andar paise nahi the."

Stella kehti hai-"Paise aur closet? muje kuch pata nahi; main abhi college se waapas aayi hoon. Tum security guard se pooch lo!"

Kya ap bata sakte hai paise kisne liye honge?

Answer: Lily keh rahi hai- vo to kamre me gai hi nhi thi, phir pata kaise chala ki andar paise the? Shayad usne socha, agar Amanda yahaan khoj rahi hai toh paise toh yahi se chori hue honge. Isiliye, Lily par kam shak hai!

Rose ne kaha-usne closet check kiya lekin paise nahi mile! Rose ko pata kaise chala ki closet mein paise hain. Isiliye Rose par shak hai!

Stella ne dono ko suna aur maan liya ki paise closet se chori hue hain! Usne phir security guard ki madad ke liye sujhav diya. Iska matlab,

Rose ne hi churaye hai! Aur Amanda ne bhi yahi samjha!

4. Mehul gehri neend mein soya hua tha. Ek admi dhire se uske kamre mein aya or uske sir par batt mar ke usey kidnap karliya. Jab Mehul hosh mein aaya, toh use pata chala ki woh ek kamre mein bandh ho gaya hai! Kamra poori tarah khali tha, bas ek taraf 3 frames lage hue the! Usne dekha ki uske paas ek bomb bhi rakha hua hai! Tabhi usne ek awaaz suni!

"Bomb do minute mein phatega! Agar tumhe lagta hai tum sabse acche detective ho, toh bomb ko disfuse karo! Tumhe ek teen akshar ka shabd daalna hoga apne aap ko bachane ke liye!"

Mehul ke paas sirf frames hain jo wall par lage hain!

Kya aap is picture ko dekh kar bata sakte hain woh teen akshar ka shabd kya hoga?

detective-paheliyan-3-frames

Answer: Shabd hai "ICE"! Teen frames sab ice se judi thi! Mehul ne yeh samjha aur I C E daba kar bomb ko disfuse kiya! Sach mein, Mehul sabse acche detective nikla!

5.Josh 10 saal se taxi chalata tha. Uske passengers ke saath jhagda hota rehta tha.

Ek din, use uski taxi mein maut mili. Detective Mehul ko investigation ke liye bulaya gaya. "Lagta hai yeh ek khoon hai!" Mehul khud se sochta hai. Us din, Josh ne 3 logon se jhagda kiya tha. Detective Mehul turant teeno se puchtach karta hai.

Aron kehta hai- "Maine cab li college jaane ke liye. Jab main wahaan pahucha, usne mujhse extra paise maange, maine mana kiya aur argument hua. Main uske liye kyun use maarunga?

Nina kehti hai- "Main kaam par thi jab mujhe city hospital se urgent call aaya. Meri mummy hospital mein thi. Mujhe jaldi hospital pahunchna tha. Josh bohot dheere chala raha tha. Iske wajah se hamara jhagda hua. Usne mujhe 2 baje hospital chhoda aur main chali gayi. Mujhe kuch nahi pata!"

Brandon bolta hai- "Lagbhag 1 baje, main supermarket se ghar ja raha tha, groceries shopping karke. Mere saath bohot saare bags the. Usne mujhse extra paise maange mere saaman ke liye. Iske wajah se hamari ladai hui thi."

riddle-5-image-1

Mehul unki statements dhyan se note karta hai aur turant hi khooni ko arrest kar leta hai. Kaise?

Tumhe lagta hai kaunsa insaan ne khoon kiya?

Answer: Teeno mein se, Nina thi sabse last Josh ki cab mein safar karne wali. Usne cab book ki thi City hospital jaane ke liye. Agar tumne notice kiya, Josh uske taxi mein mara hua mila seedhe hospital ke saamne. Iska matlab ki nina ne hi Josh ko maara tha.